بكل بساطه .. وكل جرءه .. مين أنـا؟ = منت خايف .. لو أحاسيسي .. حكن!!
أخاف أول : ويطمـع العـاذل .. بنـا = وأخاف أشوف الحب .. ضايع .. مندفن
أنا الذي .. ماتعرف أنـك بـه .. هنـا = وأنا المشاعر .. في خفوقي لك .. وفن
عابر سبيل .. وشاف عينك .. يالضنـا = لقى بعينك .. يالغضـي .. أول وطـن
ماغرّته .. نظرة جواهـر .. أو جنـا = إلا عيونك .. فـي عيونـك .. إنفتـن
وانا ألذي .. مـاذاق بالنـوم .. ألهنـا = وأنا الدخيل .. ألي بأنفاسـك .. زبـن
وأنا ألذي .. لاشفتك .. يمـوت ألعنـا = وانا الذي .. لاشفتك .. ألامـي هـدن
وانا الذي .. شاب بوصالك .. وإنحنـا = وانا الذي .. شاف بغيابك .. لـه كفـن
وأنا النخيل .. ألـي لبسمتـك .. إنثنـا = وأنا الظلام .. ألي بنسماتـه .. شجـن
حر ّ .. وتعدّا في طريقك .. من سنـا = ثم ٍ تمشكل .. في عيونك .. وإنسجـن
سجن ٍ مؤبد .. له من أعماقـي .. ثنـا = سهير .. وعيونـه لـك الله .. ماغفـن
وأنا البعيـد .. وجمـع الله .. شملنـا = وأنا القريب .. ألي بمنديلـك .. سكـن
أسأل خفوقي !! يـوم حبـك .. إنبنـا = في ناظري / مابين .. رمشي والجفـن
بترابـه المنثـور .. يامـاااا .. لمّنـا = وبعلى السما .. روحين .. ما مره شكن
تعال / نغرق فـي شواطـي .. حبنـا = مادام .. كل النوايـااا .. بـك صفـن
تعـال / نـروي بالمحبـه .. عِرقنـا = وأمسح دموع الي ..من أسبابك .. بكن
تعال / وإنسى ياحبيبي .. ميـن أنـا !! = أصلاً ( أنا) في حضرتك .. ماله ثمـن