ياوليـف الـروح نـاديتك تعـال=صـوتي المشتـاق ليتـك تسـمعه

ضـايق صـدري ومن دونـك محـال=اهتنـي وشـلون الـقابه سـعه

الـوفا يـاخل بـدروب الـوصال=يـاوليف الـروح لالاتقطـعه

الـغلا يا عشـقتي مابه جـدال=مالك قلبـي وعيـني تدمـعه

شـف طفـل في متـاهـات الليـال=يـذكر أمـه يـوم كانت تـرضعـه

هو حنـان العـاطفه ولا هبـال=فكـري المجنــون من هو يقنـعه

لعبـه الأشــواق مافيهـا مجـال=الـوصل ولا فـؤادي أنزعــه

آآآآآآه من وادي تغشــا به جبــال=وادي الـفرقا بصـدك تـرفعه

قلـت لك روفـي بحــالي يـادلال=قلــتي الـربان مـد الأشــرعه

أشـهد ان المـوت بفـراقـك اقبـال=يـاعسى يمـديه يـرفع اصبـعه

قلتـي تلـعب بالهـوي لعبـه عيـال=قلـت لو هـو لعبـه والله أبـزعه

هـذا قلبـي معلـق بأربع حبـال=قلتـي المكتــوب قص الأربــعه

الخـطا درب وانـا دربــي عـدال=والـطعـون اليـوم ماهـي موجــعه

لكـن المشتــاق يحيـه الـوصـال=الثمـار اللـي بقلبــي يـانـعه