أرجوك لا تنسى مع الوقت ماضيك = تذكار حبك...أحفظه ياحياتي


خل الفراق وطاري البعد يضنيك = بس أفتكر حبي ولو في مماتي


أنت الوحيد اللي شفاء الروح..طاريك = وأنت الغلا ..يامنيتي ياغناتي


ماأحد(ن) وصل قدرك!!ولا أحد(ن) يساويك!! = متربع(ن) في وسط روحي وذاتي


كيف الزمان وقاسي الوقت ينسيك؟؟= حب(ن) بنيته للبقاء والثباتي


وهدمت عرش الحب وأعلنت ماأبيك؟؟ = ياشين ماأحد(ن) بك يسوي سواتي


وفيت في بعدك ولا زلت مغليك = وأنطر حنين(ن) راح..يرجع ويأتي


كنت الطبيب اللي من الجرح يشفيك = وأدعي لك الصحه وأنا في صلاتي


لكن..نسيت اللي من الناس هاويك = أبعدت عني يوم شانت حياتي


الله يحفظك يالقضي في خطاويك = ماأنساك..لين الموت يعلن..وفاتي