مافيه يومٍ فيه أنا معك قصرّت = حتى الكلام أثمنّه وأنت داري

ومافيه يوم أخطيت إلا تعذرّت = حتى ولو ماأخطي يجيك إعتذاري

حتى إذا شفتك مكدّر تكدرّت = إلاأنت لك قلب من الأحساس عاري

قدمت ماقدمت لكنك أنكرت = حتى الغلا مايوم جا فيه طاري

أقدرّك بس أنت مايوم قدرّت = رفعت قدرك فوق حتى مداري

يعني كذا وبلا سبايب تجبرّت = يعني كذا تبيع من كان شاري

يعني عشان إني أحبك تكبرّت = ماكنت أظن إنك تقّل إعتباري

والله إني من تصاريفك إحترت = بغيت أداري بس وشلون أداري

مدام لإذلالي وحقراني إخترت = فأنا بعد بأقول لك إختياري

ماأبيك لو إني ببعدك تضررّت = ماأبيك دام إنك تحبّ إنكساري

إرحل مادام إنك عليّه تكبّرت = أبيك تنساني وهذا قراري