مانع سعيد العتيبه - طــول بـعـدك علـيـنـا

طــول بـعـدك علـيـنـا
يا جاسـي او هاجرنـا
لــول إتـمـر او تـيـنـا
والـيــوم إمخاصـمـنـا
وابـلا سـبـب تجفيـنـا
وابـهـجـرك رامـيـنــا
او لا تيـلـفـون إيـيـنـا
واخــبــارك مـالـفـنــا
او لا منـدوب ايعنيـنـا
مـن صـوبـك قاصـدنـا
وش صاير يا الضنينا
تـجـفــي وامقـاطـعـنـا
قطـع إرشـا الواردينـا
عــن دلــوه حاطـمـنـا
مـا يـروي العاطشينـا
حـبـل ارشــا قاطعـنـا
مـا ايــره لــي ذهيـنـا
لــو فــي بـيـره تثـنـا
مـــا حـيـدنــا زلـيـنــا
او لا للخـطـا اتعمـدنـا
لـيـن ابهـجـر تبلـيـنـا
اوطـول الدهـر تمحنـا
إرحـم لـي لـك رهينـا
او لي في حبـك معنـا
زود الـدلـع مشجـيـنـا
مـــنـــك اومـتـعـبـنــا
آمــر او أمــرك فيـنـا
ماشـي او لـو ظالمـنـا
وإبـحـكـم الظالـمـيـنـا
لـــي دايـــم حاكـمـنـا
صـرنـا بـــه قابلـيـنـا
لـــو هـــو متـحـديـنـا
لجـلـك كحـيـل العيـنـا
كـل غـالـي مرخصـنـا
او قصـر عالـي بنينـا
فــي قلـبـي إمشـيـدنـا
يــا غــر لــو تلفـيـنـا
بـا مواصـلـه واتحـنـا
انـكــان لـــك بشـيـنـا
بـــش ارض للـمـزنـا
وابـحـبــك إتـغـنـيـنـا
فـوق الغصـن والفـنـا
او الايـام بـك بتزيـنـا
وابـوصـلـك يسـعـدنـا