دخلت إمتحانن صعب ياعيد كيف اقـواه
مدام ان كلن قال انـا ويـش اسويلـه
دخلته مبرّه لا قسى لجل احوز ارضـاه
بعـد مااستخـرت الله باليـوم والليلـه
لو انه نمى لي ما استشرت امه ولا ادناه
لكن والدي والوالد اصيح وادعـي لـه
انا ادعي ودمعي ساكبن وانهمر مجـراه
ودعيت الولـي وازاح عنـي تظاليلـه
صحيح اني اصغركم وحدّيـت للمنهـاه
هذا هو قدرنا والقـدر محـدن إيزيلـه
وانا يوم افكر لين يا صعبهـا صعبـاه
بتر رجله اليسرى ولا في يـدي حيلـه
وتركه كذا ياعيد يفني جميـع أعضـاه
أمرّين هن ياعيـد وش لـون تأجيلـه؟
تجرعت انا المريين والفكر منـي تـاه"
وتخيـرت لأحلاهـن بقامـه وترحيلـه
وانا اشهد شهادة حق يا مرّهـا مـرّآآه
علي الكبد والتفكيـر والحلـق والزّيلـه
وانا اشوف كلن يتهمنـي ليـا واسـاه
يقولون قاسـي قلـب حليـاي عزيلـه
ضحوكن مع العالم صبورن على ماجـاه
يجامل مع العربان بالضحـك والحيلـه
ولا شافوا اللـي بالقلـم ترتعـد يمنـاه
يوقّّـع ودمعـه مـن عيونـه هماليلـه
وانا جزقلبي يوم خـط القلـم بمضـااه
لكني صبـرت لجزّتـه مـن مظاليلـه
ورجانا لخـلاق المـلا قـادرن لشفـاه
لكـن اطلبـوه بكـل سجـده وتهليلـه
ترى الله مجيب لدعوة اللي حثيث ادعـاه
عطاه او لعلم الغيب او يزود بـه كيلـه