امتطى صهوت جواده يوم واعلن عن رحيلـه
من بعد عشق الهنوف ومن بعد مرسى السفينه
سره الهايم بعشقه في خفـا صـدره يشيلـه
راحت ايـام وليـال العمـر وشهـورٍ ثمينـه
لو بوصفها ب وصف اقول معشوقـه بخيلـه
كيف حتى اللى عشقهـا مايناظرهـا بعينـه ؟
بس وصّفهـا خيالـي طيفهـا زاره ب ليلـه
في نقاش وفي جدال وفـي سهربيّـن حنينـه
ليل داكن في سـواده بالظـلام اثـره جديلـه
والقمر في طلته نصف الشهر يشبـه جبينـه
عينها عين اشقر الشيهان في راس الطويلـه
والثنايا حب لؤلـؤ فـي خيالـه مـن يعينـه
اختصرت الوصف بحروف القوافـي يالجليلـه
زود غيره واحتفظ به داخل النفـس الحزينـه
استدارت واستـذارت واوقـدت نـار الفتيلـه
من حياها في دجاهـا نطقهـا كلمـة ذهينـه
وارسلت غاراتها من عينها سيـوف ٍ ظليلـه
كيف ترديني صويب القلب ماتسمع ونينـه ؟
خصم ضدي بالتحدي لكن اني ب اشتكـي لـه
واترجى منه ضدي يحـط يـدي فـي يدينـه
ماقدرت انهى طريق ولا قدرت أخـذ حصيلـه
كيف انا ديان والمديـون مـا وفـى بدينـه؟
من عناده في وداده صـارت المـده طويلـه
قلت ليه وليه ليه وقلت وش فيها الفطينـه ؟