انفجر صمت الخفـوق وذبذباتـه عذبنّـه
تصفق امواج الغلا بأسلاك من ودك عرايـا
واستباح النطق بحروف القوافي وأوجزنّـه
ماقدر نطق الكلام وحرف شعره لـه خفايـا
يا وليفي اسقني شهد الرضـاب ولا تمنـه
بلسم اجروح الخفوق ومنتهى ورد الضمايا
من ثمان ٍ كنهن الدّ ر مجنـي مـن مغنّـه
انفرز منهن صفاه وبـل عذبـات الشفايـا
طعمه الشهد المصفى والشهد مجنـي منّـه
له مذاق بلا عتاق ومنه يبرد لـي ضمايـا
سلسبيل الزنجبيـل ومِنّـه الكافـور خِنّـه
هو دواي وهو شقاي ويورد حياض المنايا
وضمني للصدر ضمّه بالشعـور المستكنّـه
واتلحف بالجديـل ولـف بيدينـك ورايـا
كل ضمّه يقتفيها من خفايـا الصـدر ونّـه
ونّة اشواق الخفوق اللى يغطيهـا سمايـا
هو شهيد اللي يموت بسبته والموت سنّه؟
هو حرام ليا طلبته منك في حكم القضايا؟
بس يكفيني كذا واقـول ذي دنيـاي جنّـه
جنّة الدنيـا معـاك وجنّـة الدنيـا معايـا