برشلونه يوم يلعب فـن لعـب الكـوره
وبإحتراف الكبتن المغـوار فـاز النـادي
والهجوم مع الدفـاع الكـل يتقـن دوره
راس حربه في هجومه والوسط متقـادي
راسه حربه خطته فـي لعبتـه مخبـوره
ما يشوت الكوره الا لحـارس ٍ وحـادي
والدفاع مواصلٍ خط الوسـط بسطـوره
والوسط عنده يراوغ فالملاعـب جـادي
صار متكامـل بفنـه والفنـون بحـوره
لو إبغشه يكسـب اللعبـه "وطبعاعـادي"
من دفاعه سُجلت ضربة جزاء محكـوره
والحكم صفر وقال إن الخصيـم إربـادي
الحكم كنه مهـدد حـاد عـن دستـوره
او ميول للاعب النـادي بـدون قيـادي
صفّق الجمهور للكبتـن بـدون شعـوره
ماحسـب لآخـر خساراتـه وللنـقـادي
ويلعب الاعـلام دوره يستشيـر بشـوره
واتحاد الكوره المبهـوت صـار حيـادي
الدعايـه بنـت شمطـا لابسـه تنـوره
ضحكةٍ منهـا تعـادل كفّـة الامجـادي
للواعيب الدعايـات اصبحـت منشـوره
يرفعون اسهوم لاعب طاعهـم منقـادي
يمدحه ذاك الشهير اللـى طفـح بابـوره
وافتخر بالمدح لو إنـه بهيـم وغـادي
والمذيع اللي شـوي وينفتـق حنجـوره
من خصوصي الرسايـل زادت الاعـدادي
كنه بحرب ٍ ضروس او شبه قايد ثـوره
وقدم كل الناس ياحليله وطبعـه هـادي
والجماهيـر الغفيـره كنهـا مخـمـوره
ماتفرّق بيـن حـق وباطـل الافسـادي
يكرهون اللاعب اللـي تعشقـه غنـدوره
خايفين ينافس المشهـور واللـي بـادي
والثقه فالنفس تفرض دورهـا مامـوره
كل لاعب واثقٍ في نفسـه إلـه آعـادي
ويوم رويال الشهيـر بـداره المعمـوره
كل جمهوره وقف ضده وصـار معـادي
عالم مـن ينعـرف لـه والكوّرمبتـوره
شوت جلد وهات جلـد وخلـك الجـلادي
ويوم فكر الشايب إيهوجس بكل عصوره
ماعليه خـلاف لكـن همـه الاحفـادي
والسلوم اللي منول " قاعـده مكسـوره"
اتبع الجمهور وش تبغى بسلـم ٍ بـادي
صرت اتابع لعبة الكوره وهي مشطـوره
لين صغت حروف شعري في نهار اعيادي
وانصحه خط الوسط فالكفـه المنحـوره
كل لاعـب لايصـوّت للحكـم وينـادي
وياسمير وسامر وسمراء مـعَ سمـوره
صفقوا للاعب اللـي يعجـب الاسيـادي
ويوم فالمرقاب عديت اكتـب الاسطـوره
مرضي القيفان صوته لج منـه الـوادي
آآهـ يا اسم الاندلس والاندلس مشهـوره
ارثعوا فيها يهـود الغـرب والاوغـادي
ويااتحادالكوره اللـي بالفعـل مدمـوره
غلطة الشاطر بعشره فرصـة الصيـادي