ابيات متواضعة لا تقارن مع جل المصاب
في فقيد الأمتين العربية والإسلامية
خادم الحرمين الشريفين
الملك فهد بن عبد العزيز

بثت وكالات الفضاء الذكر ترتيـل=في يوم الاثنين ايقـض الغافلينـي

وقت الضحى كنّه غشاوه من الليل=وكلٍ يقـول العلـم حـده سنينـي

عم الوجوم وجيه قـومٍ مشاكيـل=وعقب البشاشة قُضّب الحاجبينـي

وللصمت حكمة في عقول الحلاحيل=كفٍ تعاهد كـف حاضـر ودينـي

و ذاع النباء التلفاز من غير تأجيل=اختاره المولـى وعزّيـت عينـي

وقع الخبر زلزل عقول الرياجيـل=و انا احمـد الله كلنـا مؤمنينـي

قالوا رحل ما ينفع القـال والقيـل=فهد الفهـود وقايـد المسلمينـي

ساس المعارف فضله لجيل مع جيل=اسس مباديء مامحتهـا السنينـي

وفالداخليـه والأمـن لـه قناديـل=قنديل الأمن ونـوره اللـي يبينـي

الدار أمان ويرقبك شامـخ سهيـل=بالغصب له سطوه على العابثينـي

في كل موقف كلمته تصبغ النيـل=يشهد له التاريـخ بصمـة يقينـي

فا لموقف الغصاب زيزوم حلحيـل=يرسي جبل والراي معـدن ثمينـي

مسار الأمة كم وقف له عن الميـل=بـذل جهـودٍ كنهـا الكوكبيـنـي

أرض وسما بالصدق ماهوب تهويل=كم رد الأعداء عنـه والطامعينـي

فخر العلم يغنيه عن ورد و إكليـل=عليـه ذكـر الله ولـه شاهدينـي

مانشّفت دمـع الرجـال المناديـل=والدمع فوحه يحـرق الوجنتينـي

مير العوض دام الليالـي مقابيـل=فـ/ اخوه عبدالله وعضـدٍ متينـي

وياربنـا يامنـزّل الحـق تنزيـل=نسألك تجعـل بيتـه الروضتينـي

فردوسك الأعلى لـه تصيرتبجيـل=ومنزاله الغُرفه مـع المُخلَصِينـي

وبرحمتك ما يقرب لـوادي الويـل=و تظلّه بظلّـك مـع المحسنينـي