من عقب ثبّت بصمتـه بإبهامـه
ابا التفت له واعتذر لأصحابـي.
سكوت شايب نـاويٍ لأخصامـه
وليا ضـرب ماكـرر المضرابـي
إليا ضرب جت ضربته في الهااامه
واللي تفلسف قيل عقلـه غابـي
نقد الادب كنـه لبـس لوسامـه
مايدري انه صفر عنـد حسابـي
يحـط نفسـه موضـع العلاّمـة
ضعيف عقـل وبالكـلام يبابـي
وش عرفـه للشعـر والا لهامـه
يبغى العروبـه خـادم الاعرابـي
مسكين جا عندي بحبـر اقلامـه
ومن شاف نقده قال يهبا الهابـي
يبغى على عمـه يـرز اعلامـه
وهقته الشقـرا وجـا متصابـي
حط الجبـل سلـم كـلاه عرامـه
مايدري انـه جـاه سـم الدابـي
وبكل حرف ابا اخزمـه بخطامـه
ماينفعـه لـو يدخـل المحرابـي
لا واحسافة يـوم لبـس عمامـه
عساه من لبسـه لهـا ماهابـي
رزّة بياض الثـوب مـع هندامـه
والقلب الاسود في الضلوع يحابي
إمنـول الغيـرة مـن ام لثامـه
واليوم شفنـا غيـرة الاشنابـي