ياشبه ريم مذيّره والعيب //ماقـد قيـل عيـب
قناص وسلاحه سليـط //ليـا وزن نيشانهـا
جل الجوازي عشقته يصيب //مقتلهن يصيـب
وان صوّب الجازي حويط //اشتالها باكفانهـا
سلام مع سلم العرب ياذيب// جاوب صوت ذيب
اشوف من دون المحيط// الخيل مع فرسانهـا
يا ابن دغيّم يا حبيّب جيـب// والا لا تجيـب
اشوف فالبحر الغويط //السفـن مـع ربّانهـا
من بان فالميدان قيل كليب// يا طالـب كليـب
له شلّةٍ حولـه تحيـط //استوقـدت نيرانهـا
الوصل دونه باب سكر والرقيـب// الله رقيـب
والرجل يوم انه يحيـط //إلكلمتـه عنوانهـا
العرف في سلم العرب تشيب// يالصابر تشيب
والعاصفه مسك وخليط// بشق عينـك عانهـا
مأمون ما وصلك امانه ريب// ما فالعلم ريـب
لو تدّرج من خلف حيط //الخيل دون عنانهـا
تفسيرها كلمة غلط نجيب// يالعقـل النجيـب
ينطق لسان اللـي ربيـط// ديـون ياديانهـا
تاصلك خيل منجّبه عريـب// يالجـد العريـب
خيّال ماقالوا سقيط //إليا سقـط مـن هانهـا
خيلي حروف الابجدي صليب// فالعظم الصليب
وتعيّب العظم النشيط// ان صابتـه باكوانهـا
والنفس تبقى عاليه سريب// مانشرب سريـب
وتحنط الجثه حنيـط// القبـر فـي ديوانهـا
النحت في صم الصفا والصيب //يورثها لصيب
مشروع قصوا له شريط //إبدارهـا واركانهـا
ياموصلين إله الخبر قريب// موعدنـا قريـب
فهيـم لا كنـه عبيـط //حلاّلهـا سلطانـهـا