لعنك الله يازنخـب فقدنـا منـك ابـو نـواس
شريته والثمن بخس وعطيتـه نصـف تعريفـه
تنادي نزغتك مجنون عقـل وفاقـد الإحسـاس
وزادت عنـده اوهـام الظـلام ونفسـه معيفـه
الاعب هاجسي والعب معه شطرنج لعبـة كـاس
على وضح النقا تلقـى الخبـر لعقـول حريفـه
تبا تبطي ما اخذت العلم والا العلم راس لـراس
واعرفك في ظلامك كـل كلمـة منـك تصريفـه
ليا غنيت/ يا باب الظلام وثـرت بيـن النـاس
عناوينـك دعايـة حـق للباطـل وتسويـفـه
يغرّك في الظلام اصحابـك وشيطانـك الخنّـاس
ليا وسوس بصدرك واشعل النيران فـي الليفـه
تبا تلقا من الاصحاب من يعجبـك ب/الألبـاس
يصفق لك على طول الطريق وتسمـع وحيفـه
وانا مالي عليك من العتب لو حبر في قرطـاس
طريقي يختلف عن مذهـب التقيـة وتصويفـه
صحيح انك تجاوزت الخطاء ل عباس ابن فرناس
وعرفت تطير من بعد الذنـب يابيـن توصيفـه
ترى كل يعرف ايحدد الأخطـاء علـى مقيـاس
ولكن ما انت لي قـدوة وعنـدي داري مريفـه
ليا جاني شبيه الريم من عندك رجـع بإفـلاس
سلاحك ما يهدد فاللقـاء لـو صغـت تحريفـه
لو انه يعلن اسـرار الغـلا فـي قـدّه الميـاس
ترى كـل العواصـف ماتزحـزح روسٍ منيفـه
جبل راسي على مبداه ماهزّه هـوى النسنـاس
مبادي مرضي القيفان مـا استدرجهـن بكيفـه
لووانك ياشبيه الريم ماانتـه ناعـم وحسّـاس
عرفت اقول كلمة تظهر اسمـك مـن مظاريفـه
عزيت عن الرجال اهل الوفاء والعزم واهل الباس
وش انته يوم ما اعزا عنك وانته نفسك ضعيفه؟