قبل الكلام يحس في معنـاه وثيابـه تضيـق
قبل الدفا يحضن دفاك و ياخـذ لحضنـه دفـا
قبل الشروق يشوف نورالشمس وعيونه تفيق
قبل الغمام يـرف بامطـار المـودة والوفـا
قبل اختيار الفقد لضلوعـي يولعهـا حريـق
قبل الطفولة واليتيم اللي على الحزن انكفـى
قبل الكثير اللي نسيته طاح في نص الطريـق
قبل الكثير اللي اشيله لـك ولا احسـه كفـى
قبل انكساري واختياري اتبع الخيـط الرقيـق
قبل الامل والياس واحـلام المواجـع بالشفـا
قبل الدما تمشي مشاوير الغرام ومـا تطيـق
احمولها والدرب وسط الريح ما عمره صفـا
كنت الهوا اللي ما زفرته من تنفسته شهيـق
كنت الذهول اللي تشل اطرافه ثلـوج الجفـا
قبلي وقبلك قبل ينده من على الموت الغريـق
قبل ارتكاب الصبح جرم النور دنّق و انطفـى