حي الكتاب اللي شرب خمرة النـور
حياه كف الـورد والفـل والشيـح
حي الفنار اللي حرق حفلة الـزور
حي المراجـل والرجـال المفاليـح
حي الشموخ اللي وقوفه على الفور
ماهو مطاريس الدبش والسلاتيـح
حياه جيـش ٍقايـده فاقـد شعـور
عميان وردهم على الزيف والميـح
حي الحكيم اللي مهو بـاي دكتـور
اللي يعرف امراض عصر المجاريح
حيا هلـي لطامـة العـي والجـور
وارفع عن الجهال قدر الطحاطيـح
اللي ليا هب الجهل واقبـل يخـور
صبوا عليه بحور سقـم التباريـح
ليل ٍ من الحقران جوعان مسعـور
وصبح ٍمن الأوجاع نهش المشافيح
ماغرهم زيف ٍ ولا سلهمـة حـور
ماهز شاعرهـم دمـوع التماسيـح
ما في شموخ جلوسهم نفحة غرور
المشيخة هم شعرهـا والتواشيـح
وختامها مرفـوع ياعالـي السـور
ما جاوزك قـزْم ٍ تلمسـك ويطيـح
قولوا لمن يحلم على عشوة صقور
وش تاخذ من الارض ياهبة الريح ؟