(خلصنا وانتهى الموضوع )وقفـّل دوني ابوابه
صدر حكمه بدون رجوع ، دون احسـاس يظلمني
وروّح ، يافداه الروح وعيني تمـطر غيابه
وقلبي ينزفه وجروح تتوســـــلْه طمـّنـي
تشـــابهنا جروح وبوح ، كـثير اوقات نتشابه
كثير القاه في نفســـــي يعذبها ويســـكــنّي
كــــثير يحل بي طيفه ، كـــثير انهار لعتابه
كـثير اشـفق على لقياه الى من ضامني ظنّي
أغمّض عيني احلم فيه واصحي منه مرتابة
لأنه كـــــلما اهـديته فـؤادي راح يطعـنـّي
اعـاود واتهم نفسـي واقول لظلمه اســبابه
انا اســتاهل ، أنا أخطيت ، ولكـنه ولكــنّي
تناسيت الجروح وقلت راح الامس وحســابه
حبيبي عاد لو يخطي مصيره يوم يفهمني
ولكــن آآآآآآه من لكـن وعين الظلم وانيابه
احاول اغفر جروحه مثل ماكــنت ويمنعني