الــي جــن لـيـلــي ذيّــر الــنــوم هـاجــســي=وانــا: الـحـمــد لـلــه فـــي نـعــيــم الــحــال
الــخــيـــر وايـــــد والــنّــعــايــم وفـــيــــره=مــــن فــضـــل ربّــــي والأمــــور اســهـــال
لـــكـــن عـــنــــدي ذكـــريــــاتٍ عـــزيــــزه=عــن الـنــفــس فـيــهــا لـلـحــديــث مــجــال
إلــى عــنّ لــي تـذكـارهــم شــفّ خــاطــري=كــمـــا اشــتـــفّ ظــامـــي والــغــديــر زلال
واحـمّــل لـهــم عـنــد الـنّـسـايــم تـحـيّــتــي=خــصــوصٍ الـــى هـــبّ الـنّـســيــم شــمــال
وآســال عـنـهــم وان لـفــى بـــارد الـصّــبــا=وكـــم والــهـــس عــمّـــن يــحـــبّ يــســـال
ولــو هـــي الـلّـيــالــي ولّـفـتــنــا أوفــرّقــت=فـــراق الـجــفــا بــيـــن لــقــلــوب مــحـــال
رعــــا الله واســقـــى دارهــــم مــدهــمــيّــه=مـــن الـسّــحــب تـتــلاهــا خــشــوم ايــبــال
إتـخــال الـرّيــاح بــهــا تّــلاحــم مـزونــهــا=إتــســـوق الــلّــواجــح والــــرّدوم اثـــقـــال
عـسـى مـخـايـلـهـا عـلـى الـعـيــن تـنـتـحــي=اذا الـلّـيــل عـــن وقـــت الـنّـصـيــفــه مـــال
عـلـى الـمـعـتـرض واسـقـت نـواحـي حـدوده=واروت اســـيــــوحٍ مــمــحــلـــه وارمــــــال
وامــســـت تــهــادهــا الــشّــعــاب غــنــيّـــه=ومـنــهــا لا بــطـــاح أو كــــل وادي ســــال
واحـيــا الـفـيــوي أورادهـــا رايـــد الـحــيــا=ســفـــوحٍ تــشــابــك خــصــبــهــا وتـــــلال
دار لاشـــراف الــلّــي جـنــيــنــا بـظــلّــهــم=ثــمــار الــرّخــا يـــوم الـسّـنــيــن امــحـــال
عـديـمـيـن مـا تـلـقـاه فـي الـنــاس مـثـلـهــم=ولآيــــواد فــــي هـــــذا الـــزّمـــان اقـــــلال
ودادهـــم ثــابــت عــلــى الــقــرب والــنّــيــا=وكــيــف انـتــبــاعــد والــقــلــوب أوصــــال
عـســى لـهــم مــن والــي الـعــرش نــظــره=ومــــن نـعــمــتــه مــــا يــشــتــكــون زوال
ويـديـمـهــم ربّــي عــلــى الــعــزّ والــهــدى=وعـنــهــم يــتــاجــي مــــا يــغـــثّ الــبـــال
ودارٍ بـهــا ( مـيــثــا ) ســقــى الله ربـعــهــا=هــروق الـحـيــا واضـفــى عـلـيـهــا اظـــلال
أمّ الـوفــا والـضّـيــف والـشّـيــف والــقــرى=أوكــفــو الـمــديــح الــلّــي وراهـــا ايــقـــال
لـهــا مـجـلــسٍ مــا فــارق الـبــنّ سـاحــتــه=تــخــالـــف دلالـــــه مــتــرعـــه بــالـــهـــال
وعـودٍ مـن الـصّـنـفـي يـجـزل كـمـا الـحـطـب=مــن الـهــنــد هــانــوا فـــي شـــراه الــمــال
وتـعـطـي الـنّـفـيـس الـلّـي غـلا مـن نـوالـهـا=إلـــى عـــزّ مـــن مــــال الـبــخــيــل نــــوال
جــــودٍ ومــــا جــــودٍ وجــــاهٍ أو ســمــعـــه=واقــــوال تــشــكــر بـالــصّــخــا وافـــعـــال
وهــذي حـيــاة الـحــيّ مــا دام فـــي الـبــقــا=ومـــن غــيـــر هــــذا مــــا يــعـــدّ امــثـــال
اذا الـحــيّ مـــا يـقــضــي حـيــاتــه هـنــيّــه=عــلــى الــعــزّ والا فــــي الــحــيــاه وبــــال
مــا قـلــت انــا هــذا عــلــى قــصــد حــاجــه=لا والــــــذّي يــعـــلـــم خـــفــــيّ الـــحــــال
لـكــن مــا هـيّــض ضـمـيــري أو هـاجــنــي=مــثـــايـــلٍ مـــثــــل الـــرّمــــول اتــــهــــال
واخـتـمـهـا بـازكـى الـصــلاة عـلــى الـنـبّــي=صــــــلاةٍ تـــخـــصّـــه والـــصّـــحـــب والآل