الـهـديّـه يـتـنـي أصــدافــي=هـوب لــي مــن أوّل آحـيـده
يــا زعـيـم الفـكـر يالـوافـي=فيـك معنـى العـرف تفـريـده
والفهـم مـن نبعـك الصّـافـي=والأدب فــنّـــه وتــجــويــده
همـت بيـن اعصـار عسّافـي=فـي شمـوخ إجبـال امشـيـده
لا ذرى عـنـدي ولا اتـقـافـي=في النّزول أو عسر تصعيده
بيـن مـوي ابـحـور ملقـافـي=مــا يـصــكّ الـقــوع بـلّـيـده
ذاك لــي خـلاّنــي امـجـافـي=في احتراس وفكـري آعيـده
مــا نولّفـهـا مـــن الـطّـافـي=لـي علـى المـزبـون تقلـيـده
مـن نضـار أو تبـر شفّـافـي=كـم خـشـفٍ زان بــه جـيـده
تهـت بيـن اشـعـار عـرّافـي=فـي بـيـان السّـبـت تحـديـده
كــم منـهـم خايـعـه عـافــي=مـا يـدوس الـرّسـم تسنـيـده
يـا محـبّـي عــوج لانجـافـي=وانتـهـل صـافـي مـواريــده
إن صفـا لـك منـهـلٍ صـافـي=مـن منـالـك فــي تــوّد يــده
عـود لـه والـعـود لانصـافـي=والـحـقـه لـــو داره ابـعـيـده
لا تشيـل اهمـوم واحسـافـي=كلّـهـا مــن غـيـرك ازهـيـده
يا هوى الخفرات يـا سنافـي=اشـقـرٍ يـنّـب عــن الصّـيـده
وين شيـل الشّربـت إلحافـي=والـرّهـام أو نـاعـم الـمـيـده