أحاول نـوم عينـي بالغصايـب=وليـل الشّـوق للخاليـن طايـب
عسى طيفٍ يوافي عن حبيبي=ولو حلم الكرى يصبح كذايـب
أسالـه كيـف حالـه فـي محالـه=وكيـف الـود عنـده والرّغايـب
صبرنـا.. والصبـر مـرّ مذاقـه=وجاسينا من الخيـر المصايـب
وحنّـيـنـا ولـكــن مـــا نفـعـنـا=وجافتـنـا الأخـــلاّ والـقـرايـب
أونّ أو ونّتـي م الهجـر كّنـي=طعيـنٍ ركّـزت فـيـه الحـرايـب
وكـبــدٍ زادهـــا مـــرّ هـمـيــج=وقـلـبٍ فـيـه لـفّــاح اللّـهـايـب
رعـى الله يـوم مـا كنّـا وكـنّـا=علـى حـالٍ سليـم بــلا تعـايـب
إثنيـنـه بيـنّـا مـــا دار ثـالــث=ولا واشٍ نـقـل عـنّـا سـبـايـب
ولا بـحـنـا لـسـعّـاي النّمـيـمـه=إبسرٍ كان في المكنـون غايـب
وشفنا الهون في الغالي معزّه=وهانت فـي محبّتنـا الصّعايـب
وعاشـرنـا وبـاشـرنـا هـوانــا=بـلــذّات التّـلـطّـف والعـتـايـب
وكـم طرنـا ابجنحـات المحبّـه=وحلّينـا علـى بـسـط الحبـايـب
جنينا في الهوى شوب المودّه=ومازجنـا بهـا طيـب الشّرايـب
وخانتنـا مـن الـوقـت اللّيـالـي=كــذا لايّــام تـأتـي بالعـجـايـب
سقـاك الله يــا ديــرة حبيـبـي=ثمـانٍ فــي ثـمـانٍ بالحسـايـب
اتسيـل اسيولهـا يــومٍ وليـلـه=وتصبـح فـي مغانيهـا غبايـب