اســـم التّـهـانـي لـلإمــارات مـنـقــول=مـع خالـي التّبريـك فـي مبـدع الجـيـل
والمجـلـس الأعـلــى نهـنّـيـه بـمـثـول=مـجـلـس تـوحــدّ بيـنـهـم والتّكـافـيـل
باسم النّسيب اللّـي بـه الغـزل مغـزول=في الحسن عن سحر العيون الجواتيل
حسـنٍ علـى جمـع الخـونـدات منـقـول=تنفيـل نـور الشـمـس بـيـن الجنـاديـل
عيـن العزيـب اللّـي تذيّـر مـن الــزّول=ربـيـب قـفــرٍ مـــا ربـــا زول خـتّـيـل
بـو يـادلٍ داجـي علـى الـرّدف منشـول=جاسيـه مـن الهامـه الـى وطيـة الرّيـل
مسـوب عـوده والحشـا هـوب ممـلـول=ومـعــزّلٍ تشـكـيـه دمـــج الـخـلاخـيـل
وافــراد يــكّ كالـبـرد بـيــن مـعـسـول=خـمـرٍ تضمّـنـهـا الإشـافــي المـذابـيـل
لـو هـو نظرهـا راهــبٍ هــام مهـبـول=مـذلـول وارمــى مــن يـديـه الأناجـيـل
يختصّ به شيـخٍ حـوى المـدح مأثـول=فـي صفحـة التاريـخ موجـز وتفصيـل
هــذا محـمّـد مـــا نـبــا فـيــه مـبــدول=وذنــان صـنّـاع الـرّجــال المصـامـيـل
زعـيــم فـكــرٍ زوّد الـجــوّ بـسـطــول=مشـروع قــوّه مــن جــداره وتحمـيـل
حــال الحـلـوم المستحـيـلات مـعـقـول=وانجاز كي يسعد بها عصرهـا الجيـل
واتـشـرّفـت فـيـهـا دنـاتــا بـمـسـؤول=أفـــواج تستـقـبـل إيـــابٍ و تـرحـيـل
كــلّ يـدوّرهـا عـلـى غـيـر مـحـصـول=لـكــن ذا فــعــل الـعـقــول المـكـامـيـل
لانّ الـمـعـارج لـلـعـلا رقـيـهـا هـــول=لـــولا المـشـقّـه حاولـتـهـا الـدّنـابـيـل
مـا كـلّ رمّـايٍ رمـى يـاب فــي الـقـول=رميـه ولا كـلّ عـلـى الـكـاس حصّـيـل
عسـى مـن التّوفيـق فـي كــل مـأمـول=حلـمٍ يحقّـق لـه وفــي العـمـر تمهـيـل
ذا قـول مـن لا ينـقـل الشّـعـر بالـنّـول=مـوزون ومحكّـم علـى حـسـن تـأويـل
يــكّ منـقّـا مــا بـهـا خـشــر وبـــدول=فـروط تزهـي فـي صنـوف المخامـيـل
وحي الفطين وجوهـر الذّهـن مصقـول=مـن موهـبٍ مرغـوب نـشـرٍ وتسجـيـل
منح الوسام اللّي علـى الفخـر مجبـول=والتّـاج لـي مجـده علـى راسـي اكليـل
واذريـت بـه فـي منـزلٍ خيـر مـنـزول=رحــبٍ تـضـوّع فـيـه فــوخ المعامـيـل
عــوايــدٍ فـيـنــا مــواريــث وفــعــول=لاســـلاف ويــــدودٍ كــــرامٍ بـهـالـيـل
نـذري بشـيـخٍ راشــد الــراي مقـبـول=قـولـه وفعـلـه نـخـبـة الـقــوم حـلّـيـل
فيّاض بحـرٍ فـي النّـدى مالـه اسحـول=واقـــدام جـــودٍ دون مـطــلٍ وتـأجـيـل
عيّـا الزّمـان اييّـب مـن مثـلـه امـثـول=هيـهـات مثـلـك يــا عـديــم التّمـاثـيـل
رحماك يا مـن تجـري الريّـح مرسـول=تدعـي اللّواجـح مـن حملـهـا مثاجـيـل
عـبـدٍ ببـابـك بـاســط الـكــفّ مـذلــول=يدعـوك باسبـاب الرّجـاء و التّوسـيـل
من يـود حيـبٍ نـاض بالسحـب مدبـول=خرس الغواشي جـنّ فـي مدهمـه نيـل
دويّ رعـــده جـنّـهـا هـيـمـة افـحــول=مــن بــارجٍ تـخـتـال فـيــه الهمـالـيـل
أسقـى وطـنّـا واصـبـح الــذّود مفـلـول=تتلـى المفالـي عقـب مـا هـن معاجـيـل
وامسـى هزيـع البـدو رحّــال ونــزول=علـى الشّـراغـه كاسبـيـن المحاصـيـل
والخـتـم صـلّـوا عــد مـــاذّر هـمـلـول=عـلـى الــذي نــاداه بالـوحـي جبـريـل
الهاشـمـيّ المصطـفـى خـيـر مـرسـول=صــــلاه نـهـديـهـا خــتــامٍ وتـكـمـيـل