يـا هـلاً هـلاً مـا هـبّ شـرتـا وذنّــي= مــن الصّـبـا والاّ جـنــوبٍ زغـــاوي
رحبّـت ترحـيـب الشّفـيـق المضـنّـي= بللّـي علـى عـرش المعالـيـج يــاوي
ذاك العـزيـز الـلّـي بقـلـبـي امـبـنّـي= صـرحٍ ومــن غـيـره نـقـيّ خــلاوي
اعــداد مــا وبــلٍ هـطـل واسكـبـنّـي= ودق المـخـايـل غـاديــاتٍ ســــراوي
بابـيـات مــن غــزر المثـايـل لفـنّـي= ظــرفٍ معانيـهـن إجـــدادٍ طـــرواي
جنّـي علـى المأمـول بـخـلاف ظـنّـي= واشفـن عـواقٍ مـا شفاهـن امــداوي
حيّـيـت يــا شـهـم المناعـيـر عـنّـي= لي كـلّ مـا تحـوي المذاريـب حـاوي
مـن فـي المعانـي حـايـزٍ كــلّ فـنّـي= وميـنّـبٍ طــرق الـدّنــي والـهـفـاوي
يـا مـن لصوبـي فـي ردوده امعـنّـي= فصـح القريـض وجزلهـا والنّـقـاوي
تشكـي جـروحٍ تـلّـت الــرّوح مـنّـي= تــلّ السّـوانـي مـوثـقـات الـعــراوي
لو في الهوى حكم النصف مستسنّي= لك ما عوى من ويعـة الحـب عـاوي
قبلـك محيسـن بـه بـلـي واستجـنّـي= وابـن الفـرج مثلـه ونـاح الحسـاوي
وعبـدالله القـاضـي عليـهـن ايـونّـي= وسلـيـم عبدالـحـيّ ينـخـا الـعـزاوي
ومـحـمـد اللّـعـبـون بــــه يلـعـبـنّـي= ولملغـلـوث ابـهـن رمــي بالـدّهـاوي
وبـــن الـسّـرايــا قـبـلـهـم لـتّـهـنـي= واللّي مضوا داسوا وعـوره حفـاوي
ويـاكـم قــرمٍ فــي الـهـوى تيّـمـنّـي= وامسـى خليـعٍ فـي غـرامـه فــداوي
تمشي علـى جسـر الهـوى مطمئنّـي= مـــرّه ومـــرّه فـــي مـهـاويـه داوي
لـو فــي المحـبّـه يـدركـون التّمـنّـي= مـا شفـت فيهـم مـن يبـثّ الشّكـاوي
منـك التّشـكـي يـبـري الـحـال مـنّـي= بـري اليـراع اويـال حـال الشّـقـاوي
يــا ونّـتــي ونّـــة خـلــويٍ تـحـنّـي= عـلـى ولـدهـا يــوم نـــام الـهــداوي
إنحاش به حوش الضّعن واختفنّنـي= والوى بها من صادف الشّـوق لاوي
علـى فريـقٍ بعدهـم الحياويـن دنّــي= ولهـم علـى صيـد الحبـاري شتـاوي
ولـو العـدود مــن الشّـعـر ينضبـنّـي= لـــي عـلـيـمٍ عـــدّ عـــذيّ رهـــاوي
سيـحـان وادي لــه فـــروعٍ اتـغـنّـي= مـا ينقـه نـزف الـرّشـي و الــدّلاوي
والغـزل نـبـراس القـوافـي ايسـنّـي= لو ما شعوقه=ما هوى القول هـاوي
يعطي النّفوس احقوقها فـي التّهنّـي= ويفيـج بـه قلـبٍ مــن الـهـمّ خــاوي
هـــذي عـوايــد نـاقـشـات التّـحـنّـي= الفـاتـنـات الـلّــي تـجــرّ الـغـشـاوي
المتلـفـات أهــل الـهــوى بالتّـجـنّـي= المـغـريـات ابحـسـنـهـنّ الـغـنــاوي
لـي مــا شـمـن لاســواق يتفرّجـنّـي= ولا غـرتـهـن بـالـكـذوب الـمـنــاوي
خـذهـا ســوات الـجـوذريّ الأغـنــيّ= لعـوب فكـري يـا الـوفـي السّـخـاوي
لمـوسّـع الحـوطـات حـلـم أو تـأنّــي= فـي اللّيـن والشّـدّه بطبـعـه تـسـاوي
وحقـوق لـه فـوق الحـقـوق اثقلـنّـي= بالله نسـعـف فـــي ردود الـجــزاوي
وآختـمـهـا بـــازى صـــلاةٍ اتـثـنّــي= علـى النّبـي والآل مـا طــاف نــاوي