يـا هــلا ملـيـون والــفٍ مسـهـلا= بالمقـال الـلّـي تعـنّـا مــن فهـيـم
فيـه مــن نـبـع الدّمـاثـه والـحـلا= ما يثير الشّوق فـي قلـب الغريـم
بين قاف وظرف حـرف ومزمـلا= يستجيـده والإجــاده مــن صمـيـم
جـاب بـه شيـخٍ ترقّـى فـي العـلا= موكره شامـخ وفـي لفظـه حكيـم
لـي نظرتـه بـدر لـو ريـم الخـبـا= هاب منك ريال في ضول الحريـم
قـايـد الفـيـج الـيـوازي م الـظّـبـا= يتّلنّـه فـي المفالـي ســرب ريــم
غصـن ميّـاس تفنّـق فــي الـرّبـا= دملجي السّـاق لـه خصـرٍ هضيـم
فـيـه ريـعـان النّـضـاره والصّـبـا= عـنـوة السّـامـر وبهـجـه للنّـديـم
والتـآنّـي والـصّـبـر لـــه مـأربــا= في مجال الحبّ والمعنى الحشيـم
بـو جسيـم وفــي الأوايــل لا وّلا= في الرجال ولي مثل وصفه عديم
قمـت بــه فـرحـان ارظّــف هــلا= عدّ ما تـذري علـى البيـد النّسيـم
من صفاي أحسّ نفسي في المـلا= جنّيـه فـوق العـوالـي م الجمـيـم
خصّنـي بـه دون غيـري واجتبـا= شاعرٍ واسـاه فـي الوقـت القديـم
كـل مـا تـامـل ومــا عـنـدي تـبـا= حاضرٍ في الذّهن منّـي يـا زعيـم
ثـايـر العسـجـد نـحـلّـه مـضـربـا= للمثـل لكـنّ فـي المـغـزى عقـيـم
النّـضـار اعـيـود نــوره لـوجـبـا= ما تذيـب النّـار بـه غيـر الحطيـم
مـن سـبـا لاشـفـاق بيّـيـك النّـبـا= تحمله لاشـواق فـي طـيّ النّسيـم
لــك أردّد فـــي مـقـالـي مـرحـبـا= مـع تحيّاتـي ومـن عـنـدك لـزيـم