يـا مرحـبـا بلـلّـي لــه القـلـب يشـتـاق= شـوف الظّمـا للـمـاء إلـبـرد الهـوايـف
ويا هلاً عدد ما ناض في السّحب برّاق= واسـقـى بـوبـلـه مـمـحـلات الكـفـايـف
ويا هلاً عدد مـا ينبـت العشـب لـوراق= واعـداد مـا تــذري هـبـوب المصـايـف
واعــداد مــا للسّـبّـق الخـيـل مـطــلاق= ومـا درهمـن عسـم اليـديـن الخفـايـف
يـا والله اللّـي نلـت بــه سـعـد لـوفـاق= والحـظّ مـن طبـعـه يـجـي بالصّـدايـف
واختـص مـن هـو لـي محـبّ وصـدّاق= وأنـــا مـــودّ لـــه حـلـيـفٍ وضــايــف
بـنـي الصّـداقـه بيـنـنـا فـــي لـوثــاق= منحـوت صخـره مـا بـنـي بالسّعـايـف
اذري بهم مـذرى السّفـن وقـت لوهـاق= واعـدّهــم ذخـــر السّـنـيـن الشّـفـايـف
يـا مـن يلبّينـي غلـي خـاطـري ضــاق= وأنـــا مـلـبّـي لـــه قـريــبٍ وطــايــف
والله لـبـذل لــو عـلـى قـطــع لـــرزاق= عمري واسـوم الـرّوح سـوم التّلايـف
وارضيـه لــو تـزعـل مخالـيـج لآفــاق= ولا نيـب مــن حــدّ ســوى الله خـايـف
لجلـه احمّـل خاطـري فـوق مــا طــاق= وافــزع و لــو تكـبـر عـلـيّ الكـلايـف
اطيب مـن طيبـه و مـن عوقـه اعتـاق= وارتــاح لــي شفـتـه مـريـحٍ ورايــف
يشكي جروحـه مـن سبـب تلـع لعنـاق= لـي نظرتـه فيـهـا الـولـع والحسـايـف
عيـن العزيـب اللّـي مـن الـزّول فـرّاق= ينـذار لـي مـن شـمّ فـي القفـر حايـف
يكسـيـه مــزويّ عـلـى متـنـه اطـــلاق= خشـف العـزال الـلّـي يـقـود الـولايـف
لي مـن ردوفـه يشتكـي مدمـج السّـاق= لـه الحشـا منـهـوب والخـصـر هـايـف
علـيـه مــن حـلـو الملابـيـس مـــا لاق= يختـال فــي شـيـل الـرّهـام الرّهـايـف
يدني الخطـا مثـل القطـا مشيـه ارفـاق= حــذرٍ وسـيـره فـــي دروب التّـقـايـف
خـلّ دعـاك ابمهـمـه الـشّـوق مشـفـاق= تعـوي كمـا السّرحـان فـي كـل نـايـف
هــاذاك لــي يـبـري مـدافـيـن لـعــواق= شـوفـه وتبـقـى يــا عـديـم الوصـايـف
وانختمهـا بللّـي عــرج سـبـع لطـبـاق= صـــلاه نهـديـهـا تـخـصّـه رضــايــف
الـهـادي المبـعـوث والصّـحـب لـرفـاق= اعــداد مــن صـلّـى وبالبـيـت طـايــف