هـلا حـيّ الجـواب اللّـي لفـانـي= مـوضّـح بـالـحـروف الأبـجـديّـة
ارحّـــب عـــدّ دوراة الـثّـوانــي= تراحـيـبٍ بـهـا نفـسـي سـخـيّـه
بمـنـظـوم الـمـقـال وبالمـعـانـي= ومـرسـول الـســلام وبالـهـديّـه
وبالتعبـيـر لــي لفـظـه كـفـانـي= وجــدّد لـــي مـواثـيـصٍ قـويّــه
مكافاتـه عـجـز عنـهـا إلسـانـي= ولا دري كيف بشكـر يـا خويّـه
انـا لـك فــي الـزمـان الأوّلانــي= وفـي التّـالـي مراعـاتـي وفـيّـه
صـداقـه مــا يغيّـرهـا الـتّـدانـي= ولا لـبـعــاد مـجـراهــا ســويّــه
عـلـى هــذا ولالــي نــوّ ثـانــي= يـثـيـر الـصّــد والـنّـيـه مـطـيّـه
صـديـجٍ مــا يـسّـرك بلحسـانـي= عـــدوّ مـــا يـضــرّك بـالأسـيّـه
رعى الله صاحبي كيف اعتناني= وانـا مالـي علـى الهجـران نيّـه
ولا حسبه زعل لـي منـك يانـي= جميـل وفــي التّفـاهـم معنـويّـه
سلامـي لـك وشكـري وامتنانـي= بعرفـان الـوفـا مــا دمــت حـيّـه