أنـا الـبارحـة جفني من النوم جـــاه إجفال=بغيت المنـام وعيت العين ترضابه
أسـاهر نجومٍ ساريـة في السماء هطـــــال=تهاوت وأنا عيني من النوم مرتابه
تهل العبا ير دمعها فوق خـــــدي ســــــال=تحفت اخدودي واغرق الجيب وثيابه
تهــامل بــدمـــــعٍ هلتـــه تهـمــله همــــال=تهامل هماليله على الخـــــــد واحفابه
أنا ارخصت دمع العين من شان ضيقة بال=وكم واحـــــــدٍ قبلي بكى يفتل اشـنابــــه
ولا يا عرب ياشـيـنها دمــــعة الرجـــــــال=تــــرى دمعة الرجــــال ماهي بكذابــــه
ألا حي حمام الورق لاجـــــر بالمــــــــوال=وأجـاوب عـــواء سرحان وقنب تقنابه
إلى ذعذع الغربي على كل غصن ومـــــال=وإلى اهتز غـصن الراك والريح ومابه
تذعذ همومي مع هواء الريح جات اجوال=مــــع الريح هبت كل هـــــم فتح بــابــه
تعاقب على قلبي همومٍ اعراض اطــــــوال=هموم تخلي صـــاحــي العقل يغـــــوابه
ولا يا نديبي قــــــوم لاهــنــت بالمرســـال=كتاب لبــو فــالــح لــــــزومٍ تــعنــــابــــه
معنون بصاد وباء مــــع فاكس ألارســـال=تسجل عليه ارقــامها وسمي اكــتابـــــه
ويكتب مع اسمي بين قوسين لستـــــدالال=عدد خمسة احرف من حروف الهجا جابه
تكون من ألــــف وواو والــــلام بعده دال=أ,و,ل,د,ك)مـــــع الكاف يــــدعيك المساء بها يــابــه
وإلى وصلت سلم لي على طيب الافعـــــال=على اللي يــــقــــدم للــمســايير رحــــابــــه
تحصل بجنب النار مـدخن وصـــــف ادلال=وفــنــجــال بــن ينــعــش اللي تقهــوابـــه
ابشكي عليك الحال يا والـــدي من حـــــال=وطاني زمـــاني قبل لاحســب احســابــــه
تلوعت من وقتٍ لا جــــاء بيتـــعدل مـــال=زمــــانٍ بـمـيلاته إلى مــــال يــــدعــابــــه
زمانٍ جــــرعنا فيــه عقب القراح احثـــال=تـجـــرعت حثله بعد مــا خض مشرابــــه
وتعقدت من حضٍ على الحيل مــايحتــــال=على الجـــــال متمايل ولا عـــاد به ثابــه
اجامل مــــع العربان واخفي على العــــذال=ولا ودي اكشف للعرب خــــــافي الغابــه
اخفي على اللي شغلتة بــيــن قيل وقــــال=على اللي بدرب الهرج متقفي اركابـــه
يــزيـــــد العلوم اعلوم والكيل بالمكيـــــال=يحب العلوم ونقلها جــعــل يــحــكـابـــه