عجـزت أنـا أخـفـي دمعة بعيـن شـاعـر=لا مـن بكـا قـالـوا .. صـويـبٍ ومطعـون

تعبـت أنـا غـربـة .. وقـلـبٍ مسـافـر=يـمـر طيـفٍ .. ماسكـن قـلـب وعـيـون

تعّبـت .. قـلـبٍ تحتـضـر بـه مشـاعـر=تعبـت أنـاقـض قـلـب عـاقـل ومجنـون

أمـوّت كـلمـة .. والقصـايـد تنـاظـر=حـرفٍ قتلنـي .. وبـاقي الحـرف مغبـون

تعبـت أجـسّـد صـورةٍ بـالدفـاتـر=وجـه بخيـالـي وسـط نـاسٍ يمـرون

تعبـت أحيـا بكـل حـبٍ واغـامـر=أرمـي بروحـي في متاهـات وظنـون

تعبـت أدور بيـن كـل المظـاهـر=حـبٍ .. ولكـن .. كـل حـبٍ بـلا لـون

تعبـت اصـدّق والخـديـعـه تجـاهـر=والصـدق .. ميّـت بالحقيـقـه ومـدفـون

تعبـت أنـادي .. كـنّ حـولـي مقـابـر=أصـرخ وصـوتي .. بالصـدى يجـرح الكـون

أجـي غـريبـه .. وارجـع بكسـر خـاطـر=أجـي وأعـوّد .. خـافـقـي كـله طـعـون