استعدل الراوي.. وين حل اكتابه = وقال الصلاع الزين.. فتح سوال
وقال الخلوق.. لكل شي اسبابه = وراه لحق.. بين ما عليه اجدال
وراه الفخر.. مقرون باللي جابه = وراه الصيت يبقى والثنا ينشال
يا ركب.. يالي من "عقيل" تقلللوا = على ضمر.. شروي الجريد النحايل
عليهن.. غلمان.. لكن وجوههم = بدر الدجى.. فيه اللحى والجدايل
واليا لفيتوا لاهلكوم عقب غربة = متبجحين.. في حضون الحلايل
فيكم.. من يلفي . على بيت عوهج = تسليه عن ماله.. وتشفي الغلايل
وفيكم.. من ملفاه.. غما كسيحة = من الغم.. شينات الطبوع الهبايل
وفيهن.. ماللي ليا جا لبيته.. حليلها = تسقيه فيح.. مثل حامي الملايل
وكم من صموت الحجل تبلي بعاقة = وكم عاقة.. ترزق بوافي الخصايل
أوصيكم وصاة.. ما تثقل ركابكم = إلى اعتليتوا.. فوق هجن أصايل
قولوا لـ أبا زيد.. عليا مريضة = ولا بقي من حاله.. إلا القلايل
قولوا لـ أبا زيد.. أن بغاني بغيته = وأن دور البدلا.. لقينا البدايل
قولوا لـ أبو زيد ترى الوادي امتلا = غدا كل واد.. من مغانيه سايل
أنجبت أخضر.. ما يزرر.. ثيابه = هبيل.. يلعب بالقلوب الهبايل
اخفي الغطا.. من دون أبوي وعزوتي = واخلي الغطا مما يواليه مايل
أبا زيد تنساني وتنسى جمايلي = أمداك تنسى.. يا نكور الجمايل
نسيت يوم أن عرقات الأرطى بيننا = يوم أن جعدي.. فوق متنيك مايل
أبا زيد تنسى.. يوم ترشح لذبلي = كما يرشح العطشان.. باقي البلايل
أبا زيد.. غرات الصبا.. لا تغرك = ترى الهجن خبر بالسرى والقاويل
بالشتا.. دور.. من الهجن.. سمرغية = وبالقيظ دور.. من كبار الشمايل
أبا زيد.. حب النا سعام.. وينقضي = وحبي أنا وياك.. طول مطايل
أبا زيد.. ما يصغي.. لضايع الغدي = ولا ينفع القلب المحب.. المحايل
أبا زيد.. مل الله.. من مل قربكم = من لا بكى يوم افتراق الحمايل
أبا زيد.. بذار الشعير.. استرده = ومن قدم الحسنى تقاضي الجمايل
أبا زيد.. لو أموت بالقبر ... وانطوى = فلازم.. عظامي.. من عظامك تسايل
أبا زيد.. لولا البحر بيني وبينك = جيتك على وجنا من الهجن حايل
حايل.. ثمان سنين.. مامسها الضنا = ولا دارها الجمال.. بين العدايل
لكن.. بنات البدو.. يمشطن ذيلها = على ثومة العرقوب.. غاد همايل
لكن.. صرير المرو.. من تحت خفها = صريخ القطا في محكمات الحبايل
لكن يد البذر.. أوماي رأسها = وإن درهمت في حاميات القوايل
لكنها بالحزم الأدنى . نعامة = وبالحزم الأقصى.. من دقاق الزوايل
غزالية المقدم.. جمالية القفا هي شغلكم.. ياراكبين الرحايل