يا ركب ياللي من عصيرٍ تقللوا =على ضمّرٍ شروى الجريد النحايل

عليها غلمان لكن وجـيههم =دور الدجا لولا اللحا والجدايل

اليا لفيتوا سلـم الله حيكـم =متبجحينٍ فـي حضون الحلايـل

فيكم من يلفي على بيت عوهج =تسليـه عـن ماله وكل المسايل

وفيكم من ملفاه غمـا كنيحـه=من الغم شينـات الطبوع الهبايل

خذوا لي وصاة ما تثقل ركابكـم=لـو علقت فوق الركاب الهزايل

تقول فتاه الحي عليا ودمعها =يجري على الخدين مثل المخايل

قولوا لبو زيد الى غاب محلف=ياتي على وجنا من الهجن حايل

قولوا لبو زيد ترى نجد مخصبة=وترى كل وادٍ من مغانيه سايل

ابا زيد تنساني وتنسى جمايلي=ابا زيد ما مثلك جحود الجمايل

ابا زيد من يسقي الشعير استرده =ومن قدم الحسنى تقاضا الجمايل

والله لولا البحر بيني وبينك=جيتك على وجنا من الهجن حايل

حايل ثمان سنين ما مسها النيا =ولا دارها الجمّال بين العدايل

لا كن صريح المرو من تحت خفها =صريخ القطا في محكمات الحبايل

ولاكن يد البذار أو ماي راسها =إن درهمت في حاميات القوايل

غزالية المقدم جمالية القفا =هي شفّكم يا راكبين الرحايل


\