يا داعج العين يا سيد المزاييني =يا بو قرون على الأمتان ناثرها

ما هوب حقٍ تروح ولا تواسيني =وعيني من أجلك غرام الحب مسهرها

عليك واجب مثل مغليك تغليني =رحلت غرام المحبه لا تكدرها

محبةٍ سلمها الشيمات والديني =ما دق بالهاتف الجوال بيجرها

لد النظر واستمع يا داعج العيني =واسمع نفسٍ تكلم عن مشاعرها

ليتك بعيداً وقول البعد حاديني =وصبر النفس يوم البعد عاسرها

حيثٍ قربك بحام الود كأويني =اشوف بالعين والأقدام قاصرها

اذكر علومٍ لنا من بين قوسيني =اللي عليها اتفقنا وأنت خابرها

تم العهد وضعنا ما هوب مرضيني =اخاف الأيام تلحقنا دوائرها