لاضاق صدري مشيت ورحت لنياقي =حيثن قلبـي يحـب البـر والنوقـي

اوسع البال عنـد النـوق لاضاقـي =لين اتريـح ويهـدا الـدم بعروقـي

وليا تريحت سقـت القيـل ونساقـي =من هاجس له علىالعدلات طاروقي

اتوق واخذمـع الطـارق دوراقـي =واختارزين الكلام اللي على ذوقـي

وسج ودله مع اللي ذوقهـم راقـي =والاالفتى خيرته باالـروح ملحوقـي

بهوايتلـي عليهـا القلـب مشتاقـي =دايم عليهـا يحـن القلـب ويتوقـي

خـوة نشاماصداهاداخـل اعماقـي =تمكنت وستقرت جـوف صندوقـي

ربعن خذوا من سلفهم دين واخلاقي =لاشك جارالزمان وجالهـم عوقـي

وقـت جمعناطبايـع غيبـة افراقـي =ياماشكامن صدوفـه كـل مخلوقـي

لابدعمرالفتـى والمـوت متـلاقـي =وعقب الفضا منزل بالارض مشقوقي

الكل هالك ووجـه الله هـو الباقـي =من مات في رحمته والحي مرزوقي