علي بن سالم العازمي

نادت هواجيسي بعد حزن واضراب = وأنا علـيّ أسمـع وألبـي نداهـا
مليت من عض الشفايـا بالأنيـاب = ومليـت مـن لعلهـا وعسـاهـا
ياأمة الأسلام ياعرب يـا اعـراب = يامن بديـن اخـر رسالـه تباهـا
يامن لكم حق التفاخـر بالأنسـاب = دارالزمن والحـرب دارت رحاهـا
حرب مالوم الطفـل فيهـا لياشـاب = والاّ الهنوف ليا اذهلت عن ظناهـا
ماهوب طعن سيوف وارماح وحراب = صـم الحديـد اللـي بعيـد مداهـا
تحالفوا في حربهم ضـد الارهـاب = وحنا تبعنا الحلـف علـى عماهـا
وأن كان حنا اللي فتحنا لهـم بـاب = واجب على الأمه تصحـح خطاهـا
نوجّه المخطـي وناخـذ بالأسبـاب = بأحكام مـن نـزل تبـارك وطـاه
ياأمة الأسلام في وقـت الاحـزاب = نارالقهر والغبـن يحـرق سناهـا
اليا متى نخشـى خنازيـر وكـلاب = وليـا متـى ترمـي علينـا بلاهـا
اليا متى نصبر على حرق الأعصاب = وإلـى متـى فينـا تنفـذ هواهـا
اليا متى نرضى ونخضع بالأرقـاب = نطلب رضاهـا ماكسبنـا رضاهـا
ياأمـة الأسـلام والعمرلـوطـاب = تمـوت الأنفـس ماتحقـق مناهـا
للخلق يوم البعث ميـزان وحسـاب = وأرواحنـا تبـي تلاقـي جـزاهـا
حنـا خلقنـا الله بعقـول وألبـاب = والفرق في نور القلـوب وعماهـا
هم يعبدون أوثان وأزلام وأنصـاب = وحنـا نعبـد الله وحـده إلاهــا
ياأمـة الأسـلام للظلـم مـخـلاب = منـه القلـوب المؤمنـه زاد داهـا
دنياً تخاذل مـال الأسـلام محـراب = وماعاد نعرف صبحها من مساهـا
القدس يسمع صوتها من فالأصلاب = خمسين عام وشربها مـن دماهـا
تنخا بصوت الحق والحـق ماجـاب = وتون يـوم الحـق خيّـب رجاهـا
ونة قهر دارت على كـل الاقطـاب = يلـج فأركـان البسيطـه صداهـا
واليـوم يابغـداد يـادار الأحبـاب = صرتي ضحية كذبة اللـي رواهـا
على عراق المجد غارات وأسـراب = يحرق ثراهـا ليـن غيـم سماهـا
تحت الظما والجوع وسلاح الأغراب = تبسـط يديـن الـذل للـي سباهـا
ياأمـة الأسـلام للرمـح مضـراب = والنصـر للـي باعهـا ماشراهـا
وللأرض باب وللسماء سبعة ابواب = ولا تـعـدا أجالـنـا iiمنتـهـاهـا
وأن كان ما نفعل مثل فعل خطـاب = عار علـى الأمـه تربـي لحاهـا