الشعر شـي داخـل ٍ بكـل إنسـان=من لوعة ٍ هاضت مشاعـر شعـوره

او موقف ٍ خلاه يكتـب علـى شـان=او فرحة ٍ توضح على اول سطـوره

الشعر معنى ثـم قـاف ٍ مـع اوزان=متقيـد ٍ بالماضـيـات بعـصـوره

او الحداثه _ حاضر كيف هـو كـان=بالمفـردات الهـادافـات مغـمـوره

في فكرة المكتـوب لا جـر الألحـان=ترسم قوافي فكرتـه وسـط صـوره

يشهد على ماقول قول ابـن جـدلان=خيـر الكـلام يـدل والــدور دوره

من عقب الأعشى والفرزدق ترى حان=نقـرا كـلام ٍ واضـح فيـه نـوره

خير الكلام يـدل وقـد قـال راكـان=يكفي قليله لا صمـل فـي عبـوره

الشعـر يبقـى للأحاسيـس عنـوان=لا صار ماهـو كلمتيـن محشـوره

من شاعر سمـوه شاعـر ولا هـان=شوّت بها الشاعر كما شوت كـوره

كل ٍ على قافه طـرق طـرق الاوزان=والشاعر اللي ما حصـل مثـل دوره

يبقى حريص فـي معانيـه بإمعـان=والشاعر اجدر لا غرق فـي بحـوره

اما نقول انه علـى الشعـر نيشـان=وألأ نقول انه علـى الشعـر __ عوره


علي بن نهايه