ياالربع لاجيتـو رحيمـه فسألـوو=أمانـة المرسـول يـا رسايـلـي

تخـبّـرو ياربعـنـا وتمهـلـوو=وتنشّدو عن بيـت فهـد الوايلـي

من لابـتٍ يتلـون فيهـا ماتلـوو=هـم وايلـه هزّافِـة الخمايـلـي

فذا عطيتوه الجواب ( أتوصلـوو )=وأخذو( كرامتكم ) علـى عجايلـي

خلوه يزّمل في لزومـي وزّملـوو=وقولوله أن ضيمي غلب صمايلـي

يافهد ياخوك الزمن حامض..حلوو=وأنـا تحايـل والـزرى تحايلـي

شدو من الضيقه عربنا وأنزلـوو=في واديٍ من رحمـة الله سايلـي

راحو وراح الدمع يسقط من علووو=وألارض ضاقت وأبركت رحايلـي

وأهل المساجد في منابرهـم تلـوو=آيـات ربـك محكـم النزايـلـي

قل للرجال أللي من العـز أنهلـوو=الآد مطلـق وافــي السلايـلـي

حنا لهم وهـم لنـا وان فضّلـوو=طيـب الفعـول تكـرّ ِم السبايلـي

حلـفٍ لكبّرنـا لطيبـه هلـلـوو=ورث الجدودالسُـبّـق ألاوايـلـي

أوجيه يام أللي حموهـا واحملـوو=أهل الصعب ماهم بهـل سهايلـي

غنت لهم بيض الوفاء واتجملـوو=وأهـل المثايـل غنّـو المثايـلـي

وأنا من أللي في المراقيب أعتلـوو=أللـي يشلـون أثقـل الثقايـلـي

تحل صملات العداة أليـا أصملـوو=وأهل الجموع ..متعبـة ألاصايلـي

أجّنِب لاشفت إن الهلايـم شمّلـوو=وأعز حلفـي ..وأحتمـي قبايلـي

ولا أعترف في سالفة برج الدلـوو=ولاحبـل وأطيـح فـي حبايـلـي

ولا ني مدبّر قفـاي ألمـا أقبلـوو=طويـل والله لايقـصّـر طايـلـي

كم لمةٍ تقـول سـوو.. وأفعلـوو=لعل أضيّـع فـي ألسمـاء دلايلـي

وأللي بلوني دون سبـه وأبتلـوو=عجّزت حلولي..وأقّصرت بدايلـي

والظلم جهل اقلوب عادو وأجهلوو=ومايعدل السيف الجـدار المايلـي

ومن يدّعي من غير مايثبت ولـوو=مامعـه مايثبـت يسمّـى عايلـي

لو السلوم تباد..وأهـل الله جلـوو=وضاع أمعروفي ..وأجحدو جمايلي

مارحت أحسّب ماكليـت وماكلـوو=من دون وجهـي فـاردٍ صقايلـي

وموبايلـي لادق : لقّيتـه آلــوو=كم من مطمّـه جابهـا موبايلـي ؟

أحدٍ على صداقتك يدفـع خلـوو!!=وأحدٍ عليـك يـدوّر الجهايلـي!!