يالله تخارجنا مـن العقبـات واسبـاب الذهـاب=ومن قومنا اللي حطت ايديهـا محـل ارجولهـا


لـو نتبـع النفـس الهواويـه ولـذات الشبـاب=تمشي الليالي .. ما سمعنـا غيـر دق حجولهـا


هيّضك ياصدري على الشطات مسموم الخطـاب=اللي يبي تقصيـرة اللـي مـا يقصّـر طولهـا


وانت الذي لا مجت لاح البرق وانشـق السحـاب=يالصنعه اللي ما ارتكز ساقـي علـى مدخولهـا


انت الشقاء وانت البقاء وانت العجب وانت العجاب=وانت الذي مـا صـرت ممكنهـا ولا معقولهـا


يُكّرم جناح الحُر عن صبغتك يا ريـش الغـراب=واهـل العقـول الله يهنيهـا بثقـل اعقولـهـا


لافرت يادمي على سطرين شعر من (زهـاب) !=وش عاد لو صفّت ودقّـت زيرهـا واطبولهـا ؟


قد شفت زمل إبلا زماميلٍ 00وركّب إبلا رِكاب ؟=كـذا البـلاد امـرهـا ولا التـفـت لخبولـهـا


واقدم وانا راسي صليب وقلب صـدري مايهـاب=والقى هوايل (قوم ماتُلقى) واجـي واهولهـا !!


وانا تحامـى فـي عبيـده والجحـادر والحبـاب=وكل اقحطان احمـا عليهـا واحتمـي لفعولهـا


ولا ينقّص في القبايـل مـدح صادقـة الجـواب=اللـي تخارٍجهـا بنادقهـا مـن اسّـود قولهـا


معدال حقٍ عند مقطع حق فـي ضـرب ورقـاب=وإقبالـة رجـال تشـل احمـول دون احمولهـا


عشرٍ طرحناهـا وعشـرٍ لاضمـان ولاجـراب=والله يبيّـض وجـه معتقهـا ووجـه عدولهـا


ان قام حظك قلت لك زله وشاب القـاف شـاب=وان طاح حظك جـاك ناقضهـا معـى مفتولهـا


يوم اتشره قدر والصادق على صدقه يعـاب 00=ولاّ نسيت اجروح صدري 00قبل دورة حولهـا ؟


والنعم فيك وفي بني عمـك ذيـابٍ مـن ذيـاب=وحنا اسود نلطم (انمار) العـداء (واثعولهـا)00


مالك ومال القافله.. والليـل.. وانبـاح الكـلاب=خلّك يا(ياشاطر) فـي تميستهـا وجُـرة فولهـا


البادي اضلم وانتـم الباديـن واعليـك الحسـاب=وانتم هل الدعـوى وفيديكـم جميـع احلولهـا


رسالتك وصِلت 00وانا شاكرك ياحظرة جنـاب :=(مغنّها)00 لومنـت لاحولـي ولاانـت بحولهـا