يقول باقي فيـك عقـل وقلـت يـارب اتخلـف=ماعـدت اميـز فالوجيـه وفالـدروب اللاويـه

ياماوياماحدنـي وقتـي علـى ضيـق وصلـف=وشفني علىخبرك على المتكى ونـاري ضاويـه

ولااعتذرعـن واجبـي ولاتهـرب مـن سلـف=وارقد على جال البحر والضلع سحمـه عاويـه

النمر يعطى له لحم والثـور يعلـف لـه علـف=وانـا مـن الثنتيـن جايـز يالنفـوس الغاويـه

لاهبت اهبوب الجنـوب وروح الصبـح وذلـف=جريت ونات الصويـب اللـي خذلـه مداويـه

ان عززوك اهل الجنابي ماارخصوك اهل الشلف=اللابتيـن اللـي تحنـك عـن نـزول الهاويـه

سبحان من فـرق شناحـك يالوليـف المؤتلـف=عن الوجيـه اللـي عذاربهـا ورى الغطاويـه

بريت حالي وانت حالـي غيـر طاولتـه كلـف=يانفحـة الحكـام يـالازرق وخــن الجـاويـه

مـن بعـدك الدنيـا بعينـي ماتقربهـا زلــف=واصبح بها الا وهـي علـى عـروش خاويـه

ولفـت قلبـي عنـد غـيـرك غيرعيامـاولـف=مـن نقطتيـن الانطـلاق اليـن رأس الزاويـه

خثرت عيونك والرموش الواقفـه مثـل الآلـف=نامت علـى وسـادت الخـد وفـراش الكاويـه

مالوم عقدك لاشكى نحـرك مسبـب لـه تلـف=فتنـه نحـرك فتنـة أبنـاء العلـي ومعـاويـه

قصايدي فيك اوصلتنـي نجـم عنـد المختلـف=ومحبتـك ومحبـة الشهـره ماهـي متسـاويـه

مانساك ايلين الحلوف تجوز عن قـول امحلـف=هذا الكلام اللـي سمعتـه عهدتـه مـن راويـه