الماء خذا مكانـة الـدم باهل حُمر العـروق = واقرب مثال انه نقص في عروق جيران العراق


صرنا كُتل من ماء تمشي لااحتـرام ولا حقـوق = مع اننا اللي من دمانـا تنبـت ازهار الرِفـاق


أطّيب بِن آخينا يعرض اوجيهنا فـي كـل سـوق = واردى بن آخينـا يعرّضنـا التشـرذم والفـراق


لاوا لهف قلبي من المقبـل مـن الايـام عـوق = كني اشوف الوضع توي صار طاقٍ فوق طـاق


وضع العرب كالسُكّري من فوق تحت لتحت فوق = هـم نفسهـم قالـو: (أتفقنـا إن لا للاتفـاق) !!


يارب أنا لاضاقـت ألدنيـا وخانتنـي الوفـوق = وأخلوني الاصحاب والاحبـاب وازداد النفـاق


أسوقلك نفسٍ تمنى المـوت فـي عـز وتتـوق = الى الرضاء في نظـرةٍ منـك لغافـل واستفـاق


وانا مـن الدنيـا وهلهـا جايـزٍ مانـي شفـوق = ياكم وياكم سقتهـا فـي فـج واسعِـة ألنِطـاق


اليا لقينا الطيبيـن يجـي لهـم فـي البـال ذوق = واليـا لقينـا الخايبيـن نسوقهـم سـوق النيـاق


والله ياقلبي ثـم والله لـو دريـت انـك تـروق = اني فلا عاد أءمنك.. واقول قلبـي قلـب عـاق


لاعاد تنسى ما لقيت مـن المخاتـل والسـروق = ان كان عاد الدم الاحمر في وسط جوفك يسـاق