أتقوّى كيف ؟ وشلون التقوّي = صاب عيني لد وافوادي نحوّه
ضيقةٍ كني على الجمر المشوي = لحّقتني زوةٍ في عرض زوّه
دخلتني جو لكن غير جوّي = واكتمتني كتمةٍ وانا مفوّه
كيف أوصف وقعةٍ فيني تدوّي = في ضلوعي كنها رعاد نوّه
زلة الأصحاب من باب التنوي = تلحق الوجه الجميل أكبر تشوه
وأنت يا هداج ضيقي يا مروّي = خاطري من عد ما يُذكر صفوّه
لك ثلاث أشهور في حالة تلوي = بين لوه .. وبين لآه .. وبين لوّه
ما ملكت الا التمهل والتروي = التصبر عبد لي وانا سموّه
قدك ذاك أشد فتكٍ من عدوي = القوي الله ولا للعبد قوّه
ليه شطحاتك علي شطحة مهوّي = وأنا صابر للصداقه والعنوّه
تختلف لا غبت عن يمني وتوّي = أختلاف أهل اللئامه والمروّه
وكان قصدك تقطع احبال التخوي = خليني بقول لي شيٍ ةاةّه
أي شخص أخالفه شف وش يسوّي = لا بغى يظهر يخليني عدوّه








تمت الإضافة بواسطة :سالم ال فروان