الليل طــرف والصـباح يلوح ياحــلو الصـباح=والمسـبحه بين اصبعـين افـرها واجــيبها

لا والله إلا ضـارب لي شعـب واومـت بي الرياح=واخلفت دربي والليالي يعلم الله غــيبها

اومـيبها لعلها تقـفــي وتسلمــني النــطاح=اما انها مــني سـرت وأفــتك من تنشيبها

لابارك الله بالهـمـوم وبالـفراق وبالشــحاح=ولابارك فــي الرجال اللي تربــط جــيبها

مـن لايـفـكر فـي زمـنا بالضــياع وبالصــلاح=مالحــق شـيء مــنها ويمــوت مايدري بها

اما فـعـول ترفــع الرجال عــن بعـض النباح=ولا غــدت صــيدت ثعـلها وافـتراسة ذيبها

ومن لا يـداري مـشـربه ماشـرب من ربعه قـراح=هـمل واذا خـم الهدف واخطىء يصيح يصيبها

كانك مــخاويني كـذا..اقـول طالبك الســماح=تـوي عـرفـت ان العـرب لاخـاوتك وش عيبها

وجـهـك تغـير بعـد ماعلمــتك بعــلم الصراح=وأنا احـسـبك تحـريبها..كـذاب ماتحريبها

ابـشـرك مامـت فـي بابـك ودنـيت الصــــياح=نـدمـت لانـي عـجــل في خبث الامور وطيبها

لوقــلت حـي عالصـلاة ابشـر بحـيي عالفـــلاح=لـكن عـلي عار ماتصــبح ولا تمســــي بها

جــزاك مني صــدة تـبري من القــلب الجـراح=من قـبل تعــدي..خلها عنك وأنا بعدي بها

الناس ماهـي تـنوكل بالصـوت خـلق الله صحاح=والا انت مثل الليلة اللي ماحدن يسري بها

نصــيحتي لك حـبيبي يـوم ينـبـت لك جـــناح=لاينكـســر في عـجة الصحبان وانت اصحيبها

اللي مـبرد خاطـري.. ومخــــلي الدنيا براح=خطــبتها من فعل اخوها..والا انا ماليبها