صاحــبي وش يضـر الحـال لا قـالو=كـلمة الشـين بين الناس منقـوله

خلهـم يوم صاعـو البر واكــتالو=مالــقو مـن حمار البر مفــقوله

كــل ما مالت الـدنيا عـلى مالو=وكل مــيله بحــيل الله معـدوله

اخــتبوا فـي ضلوعي ليل واختالو=قـلب شاعـر وطار السـرب من حوله

لو يـقولون فــيني للأســـف طالو=مـن رمى الضـلع مايخطيه من هوله

اسمعـوا مايهـد الحـيل وانـهالو=شاعـر مـــشلح القــمه على طوله

شاعــر مايخــول أشــباه ماخالو=التمـــيز ضــروري عـلى قـــوله

لين ســاق القصـيده راحو اتمالو=فــي سـحابه..وبراقـه..وهـملوله

ليـتهم يوم راحـوا شــرق ماسالو=حاســـد مـول الدعــوى على موله

صاحــبي والجــروح بقلبي اتشالو=جــرح مهـــبول من كفـين مهبوله

كان ما احتلت وإلا كان ما احتالو=ما انت مســؤول ولا الناس مسؤوله

غلطــتي يوم اصـــدق كل..ماقالو=كنت اصـدقـه ..لكن كنت ما اقوله