ويـش ابــرك ساعـة اللي جـابتك عـندي هـنا=فـي ليلة كـف الهـلال يـوادع أواخـر جـماد

يامــرحبا ترحــيبتة اللي بالمواجـيب اثنا=ترحــيبة اللي لفـوه الـقوم وعلومه جـداد

عـليك ســجات الشكر والحـب وعـــيون الثنا=وعــليك قـلب لازرعـته صـبر ووصالك حــصاد

ينهز لك هــز الغصــون الـلينات ام الجـنا=حـتى تطـيح من العروق الخضر نجمات السهاد

وصرت اجتمع لك بالضلوع اللي غديت لها طـنا=لين انتشر لك في سطورالعشق والقاك المداد

ياعل عـرق ما انثنى لك بالحشا يلقى الفنا=وياعـل قــلب ماتـنومس بك يطاوله الكـساد

اذا تغـلى ناعــس الطرفــين قـلت الله لنا=وانته تغـلا والغـلا مانقصــك بالعــكس زاد

الله كم هــد الزمن قــلبي وكم صــبري بنا=وياما خذامنا الزمان احباب واقراب وابعاد

ياســيدي وانا وانا..وانا وانا..وانا وانا=اقــل شـخـص فــي زمــنا من علاقته استفاد

العـبد لله مكسـبه طـيب..ولكن ما اغـــتنا=طـيب وهــادي ويعـشق الأبيض ويغتال السواد

إنـــسان أكـثر ماتعـلمه القصايـد والغـنا=اليوم يمـسـي في بلاد ويصبح الصبح ف بــلاد

حـاول يــدور للسـعادة كثر ماشـاف العــنا=إشــتاق للعشب الخضر واشتاق عشبه للجراد

شاعــر وغـصـنه للطـيور الجارحة يوم انحنا=صـرح بمـوت الحب..واعلن في ضواحيه الحداد

البارحــه كانـوا هـنا..والجمر له ضو وسنا=مروا عـلى دربـك وانا هونت عن درب الرقاد

فـزعـت لك وانا احسب ان موتك من عيوني دنا=واثرك تشـوف شـلون اسوي في لياليك الشداد

الليله اللي جابـتك عــندي هـنا..تبقى هنا=أي والله ان تبطي وانا لك عن ذرااللاهب براد