فوق ثوبي جوختن من قرمزي ومن حرير =بالـوفاء ترهـــم عليك وبالـوفاء ترهـــم عـليه

كــان فــيها ريــح ذيبن مـانزلــنا بالجــوير =ننطــــح الغاره وهــي كنها ســحابه عــقـربيه

نعطــي الجــبه على يوم اللقاء والله خــبير = والحــريب الـياء فلت مـن يدك ياقـع بالســريه

والزمن هذا خطوطن حمر ماعنده ضـــمير = غـــير مــاينكر معاصــير الدول فـي كل هــــيه

يشهد التاريــــخ واليوم العبوس القنطــرير = حن هله والشمس تخـــدم ربها فــــوق البريه

والفخر واحد وانا وياك في بحرن غـــــزير = وانت هيضك هيض مثل الهيض لاواكثرشويه

المـــــهم اطلب تجد ياراعي القاف المـــثير =غيب الله كل راســــن مــا تجد فـــيه الحمـــيه

والقضاء مثل السلف مابين ميراد اوصـدير =طـــارين لي طـــارين فيه الرجـــال امجـامليه

كل ســـبعه فاربعه نفحن كـما نفح العــــبير =بيننا والشـــعر يلعب في ضـحى عيد الضحيه

نســتعز ابطبعـنا والناس فـيها طـبع غــــير =والـــولـي الله ونومـــن فـيـه ومــحـمـد نـبيه

راعي النكران من منكر يساق الياء نكـــير =وراعـــي الــعــرفـان فالجــنه يقدم لـه تحـيه

والنجوم اللامعه والشــمـس والـبدرالمـنير =والفضــاء يعـط البحــر والــبر نص الجاذبيه

والهواء والكـوره الارضــيه اللي تســتدير =امنا والعلــــم ســـلطان الشــعــوب العالمــيه

فوقها سطحين مريخ اوقمـر والله بصـــير =شــايفن حـرب النجـوم امن الزوايا الخارجيه

عالم الذره واهل غزو الفضاء شرن شرير= وش بقاء غــير القيامـــه فاخر الدنياء الدنيه

اعتزاء بوش الصغيراوطـاوعه توني ابلير=والعـــروبه بينها الذمــه مــن الذمــه بــريــه

لونفكـر فالطحالب والنـهــر هـــو والغــدير=ندري ان لولا الضــماء مــابقي للمـاء قابليه

يانهــر دجـله اوصـــافـية المــناهل بير بير=ارقبي حكـــم الحــريم اللـي فعايلــهن طـريه

الوزيره عن وزيرن والاميره فــوق امـــير=شـــربت الفنجــال الاول من يدين القهوجيه

اعتبر هذي نصـيحه تطلب الصــبر الوفــير=للــرفيق وللصــديق اهل القلــوب الصيرفيه

من عرفته عندكم مـن عمـر ولامــن عـمير=مســتعد اجــامله والعلــم له روحــه وجــيه