يانفس ياللي بالملـذه غارقـه=عن مرتع اللذات شومي وارتقي

صدي عن مزون الذنوب البارقه=عوذي من الشيطان بالله واتقي

اللذه اللـي تعتريـك مفارقـه=يبقى اثرها لو ضميرك متقـي

ترا المعاصي للحساني حارقـه=لو هي صغاير مع بعضها تلتقي

كن الصغار من المعاصي سارقه=تطب في وسط الحساني تنتقي

اما الحساني بالعلامـه فارقـه=كالنبع من صافي قراحه تستقي

العمر يفنـى والليالـي مارقـه=اسرع من اللي في خيالك تهتقي

بالاخره مافيـه قـوه خارقـه=تنعـم نعيـمٍ دوم والا تشتقـي

شمس الحقيقه فالنهايه شارقه=كلش يبيـن مايبقـى مبتقـي

يالله يـارب النجـوم الطارقـه=طالبك نفسي من جهنم تعتقـي