هم وشعر زايـد فـراغ يسـاوي=جمر سمر باقصى اضلعي يحرقني

احداث حاضر ماضـيٍ متهـاوي=لـو تختفـي ماظنتـي تعتقنـي

قد عشتها واللي مضى لـه راوي=بحوالهـا تجاربـي تصدقـنـي

صورتها وانـا بعضهـا غـاوي=وسبقتها من قبل هـي تسبقنـي

متناقضـات وحبلهـا متـلاوي=في مهجتـي بجزالهـا تشرقنـي

اخفيتهـا مابديتهـا لـمـداوي=لن الشكـاوي للبشـر ترهقنـي

نور وظلام وذيب غـدرا عـاوي=دايـم معـي ماودهـا تطلقنـي

شمسٍ تشع وبدر ليـلٍ ضـاوي=علـى عيـونٍ همهـا ترمقنـي

الهم عودٍ فـي خفوقـي ثـاوي=من قبل يكبر غرنـي واوثقنـي

كنه على طول الطريق مخـاوي=لاقلت فارق قـال قـوم الحقنـي

العمـر سكـه للنهايـه تـاوي=والوقت مع طرد المنى يسرقنـي

حتى لو اني للمصاعـب قـاوي=اكيـد همـي بالخفـا يرقـنـي

هذا وانا من كـل طيـبٍ حـاوي=اكرم وجيه الخير واكـرم دقنـي

ماني على مدحي بشعري نـاوي=لكـن قافـي بالفخـر يغدقـنـي