لاتخليني علـى جمـر الغـرام=ظفنـي بحمـاك والا فكـنـي

تدري التعزير فالمسلـم حـرام=لاتسن الرمـح يكفـي ذكنـي

التعامـل فالمحبـه باحـتـرام=مايصيـر تحدنـي وتضكنـي

ياحسين الدل يافـرخ الحمـام=ليـه دايـم بالوعـود تركنـي

في مواعيدك احضـر بنتظـام=خوف راسي من غلاك يصكني

لا لقيتك صارت احوالي تمـام=ولافقدتك وسط صدري تكنـي

منك ماتحظى وعودك باهتمـام=غير صدفه والصدف ماتمكنـي

سحرك اللي بان من تحت اللثام=لاذكرته فـي خفوقـي دكنـي

وخدك اللي كنه بروق الظـلام=سكني برقـه ثوانـي سكنـي

لاتكاشف وانكشف حد الحسـام=بان جمـرٍ لانظرتـه شكنـي

يابديع الوصف يابـدر التمـام=ذبت من هرجتك يـوم تلكنـي

اطرب لذكرك ليا مـر الكـلام=وغيرك ليا مر جلـدي حكنـي

دام حكم الضرب فالميت حـرام=طالبك هالحيـن تكفـى فكنـي