اقسم بعزة من خلقـك وخلقنـي=محدٍ ملك روحي من الله خلقهـا

الا انت بس اللي غرامه حرقنـي=جمّع معاليق الحشا ثـم حرقهـا

حبك فرق حدب الضلوع وسرقني=فتش مخابي مهجتي ثم سرقهـا

رمح الهوا في ظرف ساعه زرقني=فتت سويداء القلب لحظة زرقهـا

ياطرق حالي من غـرامٍ طرقنـي=طرق الزوالي في يد اللي طرقهـا

قلبي ليا من جيت يمـك سبقنـي=كنه على شوفك عيونـي سبقهـا

مدري من الله ذنـب والا رزقنـي=يوم ان مثلك في غرامي رزقهـا

قد ذقتني بالـود واليـوم ذقنـي=تجرع الفرقـا والاشـواق ذقهـا