اشهد ان الوقت من مبطي يدور=بس انا توي دريـت بدورتـه

اطـرد الدنيـا وتاليهـا دبـور=كننـي عـودٍ علـى باكورتـه

توني للحين في عمر الزهـور=مادفعت مـن الزمـن فاتورتـه

جيت في عز الحضاره والظهور=طحت في وقتٍ تفجـر ثورتـه

عالمٍ تاكل عشاك مـع الفطـور=وكل واحد في فمـه شابورتـه

الآوادم فالبيـوت وفالقـصـور=ماحدٍ يرتـاح فـي مقصورتـه

الكلام الصـدق مايغشـاه زور=لو قرأ الكذاب فـي منشورتـه

الحقيقه ثابتـه والعلـم نـور=كلمـة معلـم علـى سبورتـه

من قديم الوقت من ذيك العصور=يوم دوب الرجل يستر عورتـه

مايشل الحمل ياكـود الصبـور=من جـزع تستقبلـه مثبورتـه

مادريت ان الزمن جريه حـدور=لين شفت اشلون غير صورتـه

قدم عيني شفت بركانه يفـور=والليالي تنقلـب مـع فورتـه

لو بدا هادي يجي وقت ويثـور=ماتطفـي ثورتـه نافـورتـه

الحياه دروس والدنيـا عبـور=سنة الخـلاق فـي معمورتـه