هو يحسبني ميـتٍ فيـه وابغـاه=مايدري اني مـن فراقـه معافـا

ماجيت ابي قربه ولا جيت لرضاه=قلبي ليا من عاف ماعـاف عافـا

كلٍ علـى دربـه يـدرج مطايـاه=ماعاد به بيـن القلـوب التئافـا

فالاخـره بعديـن يلقـا سوايـاه=والا لقاها عقـب طـول اختلافـا

يمكن يجي مردود طارف خطايـاه=فأيات لحظه قـدم عينـه تهافـا

آه علـى آهيـن وآه عـلـى آه=ليت الجروح اللي بقلبـي تشافـا

مالي جدى غير الصبر كان ابقواه=حتـى ولوبـه للمعنـى كـلافـا

لا بارك الله فالهوى كيف جينـاه=كنا مـن الاعمـاق فيـه نتلافـا

مادام داء الحب يلغلب علـى دواه=ماظنتـي بعـض الاوادم تشافـا

والله يالولا واحدٍ ماقـدر انسـاه=لاقول كل البيـض تالـي تعافـا

ترى الوفا للي على طـول تلقـاه=بين الضلوع وسادتـه واللحافـا

الصاحب اللي فالمعاليـق مربـاه=دايم عليه دمـوع عينـي ذرافـا

ماهوب للـي لذتـه فـي محيـاه=ولاقفى على كل المحبيـن طافـا

للصادق اللـي مايخفـي بلايـاه=واضح ولا يلحـق منّـه خلافـا

للي حفظ عهد الهـوى ماتعـداه=دايـم نبيـه ويالخفـا مايحافـا

ماشقا حياة الذل والعـز محـلاه=انا اشهد ان الحب مابـه مرافـا

ياشين حال الحب ياناس شينـاه=ياشينها من حال حـال الضعافـا

لاصار بعض الناس تلعب بمعنـاه=للمصلحـه والمفسـده بحترافـا

مفروض والله دابر الحب نمحـاه=ونخوف اللي بالهـوى مايخافـا

ونكتب على عذب اللما لاصدفنـاه=محضر عليـه مبصـمٍ باعترافـا

لازم يغض الطرف عن كل من جاه=بالذات راعيـن القلـوب النظافـا

يصد والا لانظـر يظفـي غطـاه=يعني من الله ليت عنـده مخافـا

خطٍ كتبته عل مـن جـاه يقـراه=من شان مايبدي كثيـر الحسافـا

هاض الخفوق وشارد القاف ناداه=من واهجٍ بين الضلـوع النحافـا