سر ياقلم واكتب على شانها هـي=من شان لا راقت منى الروح تقرا

لامقصدي هذي ولا مقصـدي ذي=هذيك منهي عن عنا حالـي ادرا

الجادل اللي حبهـا ساطـيٍ فـي=ماظنتي من حبهـا الحـال يبـرا

اللي لها صرح الغلا بالحشا بنـي=بالمرشدي وبحبه أجـدر وأحـرا

انا لها كلـي وهـي كلهـا لـي=انا وهي في سكرة الحـب غمـرا

ام العيون السود لو ناظرت بـي=اضيع كني ماشيٍ وسـط غـدرا

لاشفتها ودي بمعكـاز وعصـي=اتوه كني شـاربٍ كـاس خمـرا

اللي حلاها بـان ماتلبـس حلـي=من حسنها تطغى على كل عـذرا

مامثلها قد شفت من تلبس عبـي=تقول بدرٍ شـع فـي ليـل قمـرا

هي غايتي ومناي هي سلوتي هي=اللي بذكر وصوفها شعـري ازرا