ياصاحبي ليـه الخطـا والتجنـي=وراك جايٍ مـن بعيـد متسـرع

ارجوك يابـن النـاس لاتمتحنـي=مادام مانتـه بالسكـوت متبـرع

هـذا حشـا لله ماهـوب مـنـي=ولاني لسـور الواجبـات متـدرع

كنت احسب انك تاخذ الحمل عني=واثرك عن شيل الحمول متـورع

صبحتني واصبحت اهوجس واوني=كني من السـم الذحـاح متجـرع

كنه ركبني بـاول الصبـح جنـي=مما سمعت وشفت صرت متخـرع

مالي جدا ياكود بالصـوت اغنـي=مـادام قافـي بالخفـوق متفـرع

بكنهـا باقصـى المعاليـق لنـي=ماني على ظلم الرفيـق متسـرع