ياصاحبي لاتكثـر الشيـل والحـط=محدٍ سكن في وسط الاضلاع غيرك

لو قلت جبلي من عنادك لبـن بـط=جبت الك مايسعد بشوفـه نظيـرك

لاتحسب انـي فـي هـواك اتعبـط=تراي ماشٍ صح فـي خـط سيـرك

نظام فكـري مـن عرفتـك تلخبـط=شوش رداري يوم طيـرت طيـرك

تبعد وانا اللي فـي غـلاك اتشبـط=كنـي دخيـلٍ زابنـك يستجـيـرك

ارسلت قيفانـي بوصفـك توسـط=وجتني عليها مـن بقايـا عبيـرك

بعض الحروف اشوف من تحتها خط=والبعض الاخـر مايحـدد مصيـرك

تدري باني عاد مـن خلقتـي قـط=محدٍ اسرني لكن اصبحـت اسيـرك

ان كان يرضيـك بهـواك اتمرمـط=قلهـا صراحـه كثـر الله خـيـرك

بقول لك خلاص في نومتـك غـط=واذا صحيت الشوق يمـي يديـرك

اببتعد وانتـه علـى ماتبـي حـط=ماني بجايـك بالفـراق استشيـرك

حتى لو الاخـلاق لارحـت تشتـط=اصبـر وصلفـات الليالـي تثيـرك